Esparrua

Toki-administrazioak ikuspegi argia du, Gobernantza Demokratiko Onaren printzipioetan inspiratua, jarrera proaktiboan, berritzailean, ikaskuntzakoan, inklusiboan, seguruan eta adierazgarrian oinarritua eta zerbitzua ematen dion gizartearen dibertsitatea islatzen duena.

Deskribapena

Errenteriako Udalak aniztasuna eta inklusioa indartzeko hainbat neurri sartu ditu, bai langileen kudeaketan, bai udal kontratazio publikoan. Barne-eremuan, udal-langileen artean dibertsitate funtzionala duten pertsonak daudela egiaztatzen du, eta lan-baldintzak arautzen dituen akordioan desgaitasuna duten pertsonei enplegu publikoa lortzen laguntzeko neurriak jasotzen ditu, besteak beste, enplegu-eskaintza publikoetan plazak erreserbatzea. Jarduera-ildo hori erosketa publiko arduratsura hedatzen da. Gizatearekin lankidetzan, Udalak klausula sozialak eta kontratu erreserbatuak txertatzeko aukerak aztertu ditu, eta desgaitasunen bat duten edo egoera bereziki ahulean dauden pertsonen enplegua sustatzeko baldintzak aplikatzen ditu bere pleguetan. Praktika Pauso Berriak hitzarmenarekin osatzen da, GUREAKekin batera garatutakoa. Horri esker, desgaitasun intelektuala duten pertsonek jarduera okupazionalak egin ditzakete udal-bulegoetan. Oro har, jarduera horiek inklusioaren zeharkako ikuspegia erakusten dute, enplegu publikora sartzeko neurriak, kontratazio sozialki arduratsua eta erakunde espezializatuekiko lankidetza konbinatzen baitituzte.
Udalak arlo horretan egindako ibilbideak, gainera, kanpo-aintzatespen nabarmena lortu du. 2026an, Errenteriak urrezko bi sari jaso zituen Europako Batzordearen eskutik: bat 50.000 biztanletik beherako udalerrien kategorian, kultura-aniztasunarekin eta migratzaileen, emakumeen, LGBTIQ+ pertsonen, desgaitasunen bat duten pertsonen eta adinekoen inklusioarekin duen konpromiso globalagatik; eta bestea tokiko lan-merkatu inklusibo eta gizarte-aniztasunaren adierazgarri bat eraikitzeko ikuspegiagatik.

Informazio osagarria

https://errenteria.eus/