Esparrua

Etika publikoko esparru bat dago, estrategiak, legedia, araudiak, jokabide kodeak eta orientazioa biltzen dituena. Esparru horrek banakoen interesen gainetik onura publikoari, ingurumen-alderdiak barne, ematen dio lehentasuna erabakiak hartzeko udal prozesuetan, eta erakunde publiko guztien eta udal langileen jarduera etikoa bermatzen du.

Deskribapena

Leioako Udalak osotasun publikoko estrategia integral bat artikulatu du, eta, sistema beraren barruan, iruzur, ustelkeria, interes-gatazka, irregulartasun edo etika publikoaren aurkako jokabideei aurrea hartzeko, antzemateko eta erantzuteko tresna nagusiak biltzen ditu.Sistema horren barruan sartzen dira iruzurraren eta ustelkeriaren aurkako borrokari buruzko adierazpen instituzional bat, Iruzurraren aurkako Neurrien Plan bat, hautetsientzako eta enplegatu publikoentzako etika- eta jokabide-kode bereiziak, Iruzurraren aurkako eta Etika Publikoko Batzorde bat, arriskuak ebaluatzeko matrize bat eta salaketen barne-kanal bat, otsailaren 20ko 2/2023 Legearekin bat etorriz ezarritako Barne Informazio Sistemaren esparruan. Lege horrek arau-hausteei buruzko informazioa ematen duten pertsonen babesa eta ustelkeriaren aurkako borroka arautzen ditu.360º-ko ikuspegiari esker, estrategia udal-erakunde autonomoetara ere hedatzen da, dagozkien atxikitze-akordioen bidez.Praktika bereziki garrantzitsua da zeharkako ikuspegia eta ikuspegi koordinatua dituelako. Elementuak ez dira jarduketa isolatu gisa aurkezten, osotasun-arkitektura komun baten zati gisa baizik, prebentzioa, gainbegiratzea, arriskuen ebaluazioa, erantzukizunen definizioa eta balizko arau-hausteen komunikazio-mekanismoak konbinatzen dituena.Era berean, dokumentuak, akordioak eta tresnak Gardentasunaren Atarian batera argitaratzeak erraztu egiten du horiek ezagutzea, bai udal-langileek, bai herritarrek.

Informazio osagarria

https://leioazabalik.leioa.net/